Sunnmøre Museum
Spennende foredrag om Ambrosia Tønnensen
Spennende foredrag om Ambrosia Tønnensen
 |
Søndag 25. mars kl. 13.00 ønskjer vi velkommen til spennande foredrag om Ambrosia Tønnesen, med "ambrosiaentusiast" Britt Walle Ekroll. Ekroll tek oss også med inn i utstillinga om "Stenhugger i det Fine"på Sunnmøre Museum.
Bli betre kjend med billedhoggaren Ambrosia Tønnesen, ein uvanleg person med eit tilsvarande uvanleg yrke. ”Stenhugger i det Fine” stod det på visittkortet hennar.
Ambrosia var den første kvinnelege billedhoggaren i Norge som kunne leve av kunsten.
Ho var fødd i Ålesund i 1859, men familien flytta til Bergen då ho var 15 år gammal. Ho rekna seg sjølv som ei skikkeleg “gutajente” i oppveksten, og fekk respekt frå gutane ved å stå ned heile Kirkebakken, den beste akebakken i byen, på ein fot.
Modig og original var ho òg i yrkesvalet: å hogge skulpturar i marmor var ikkje rekna som passande arbeid for ei kvinne av borgarskapet på 1800-talet. Men Ambrosia braut opp frå ei sikker stilling som lærarinne i Norge for å leve som kunstnar i København, Berlin og Paris. Ambrosia Tønnesen fekk mange oppdrag, og utstilte jamnleg på Parisersalongen, i hennar samtid den viktigaste faste kunstutstillinga i verda.
Frå 1910 til ho døydde i 1948, budde og arbeidde ho i Bergen, der ei rekkje av arbeida hennar pregar bybildet. I Ålesund finn vi 5 verk av henne: i byparken (J.E.Devold), på museumshaugen (P.E.Tonning) og i Ålesund kyrkje. Dessutan eig Kunstforeninga eit barnehovud i bronse, som er å sjå i utstillinga.
